Cliciwch neu dapiwch lun isod i ddechrau gweld yr arddangosfeydd.
Ym 1966 creodd Jonah 12 ffenestr dalle de verre ar gyfer Eglwys Atgyfodiad Ein Gwaredwr ym Morfa Nefyn ar Benrhyn Llŷn. Roedd y ffenestri o gwmpas yr eglwys (petryal syml yn ei hanfod gyda muriau wedi’u gwyngalchu) yn sefyll bron o’r llawr i’r nenfwd ac roeddent yn drawiadol yn eu defnydd haniaethol o liw cysefin. Fodd bynnag, caewyd yr eglwys yn 2016 ac mae wedi cael ei dymchwel ers hynny.
Yn ffodus dangosodd Esgobaeth Wrecsam ddychymyg wrth dynnu’r ffenestri o Forfa Nefyn a’u hadleoli i’w cartref newydd yn Eglwys Dewi Sant, Yr Wyddgrug. Hon oedd yr unig eglwys Gatholig yng Ngogledd Cymru a oedd yn ddigon mawr i dderbyn yr holl ffenestri. Ar ôl iddynt gael eu hadnewyddu’n llwyr gan y Ganolfan Gwydr Pensaernïol yng Ngholeg Celf Abertawe, gan gynnwys ailadeiladu un panel a oedd wedi methu, gosodwyd y ffenestri yn Eglwys Dewi Sant – wyth o flaen ffenestri plaen, a phedair mewn blychau golau wedi’u hongian ar y waliau. Cysegrwyd y ffenestri gan Esgob Wrecsam, Peter Brignall, ar 4 Mehefin 2023.
Am hanes llawn y prosiect cyfan, gweler adroddiad yma. Defnyddiwch y tagiau ‘Eglwys Dewi Sant Yr Wyddgrug’ a ‘Morfa Nefyn’ o dan yr erthygl i ddilyn holl hanes y prosiect pwysig hwn.