Llech Ronw, llechen, marmor a carreg Efrog, 1987. Casgliad: Cyngor Gwynedd.
Cafodd Jonah syniad a oedd wedi’i seilio ar y chwedl o’r Mabinogi am y godinebwr Gronw Bebyr, a geisiodd yn ofer ddefnyddio carreg fel tarian yn erbyn picell dialgar Lleu Llaw Gyffes a oedd wedi’i dramgwyddo. Mae’r gwaith yn 6 throedfedd o uchder gyda’r teitl Llech Ronw. Ar sail o lechen las a werdd ceir carreg Efrog wedi’i thyllu, gyda motiff corniog gwyn enfawr o farmor uwchben. Meddalir y symbol bygythiol hwn gan broffil cerfiedig o ddyn â’i lygaid wedi cau, fel petai mewn marwolaeth. Arddangosodd Jonah Llech Ronw gyntaf yng Ngŵyl Cricieth, a gymerodd le ym mis Mehefin a mis Gorffennaf 1988. Prynwyd y cerflun gan Gyngor Gwynedd am £1,250 ac yn ddiweddarach fe’i osodwyd yn swyddfeydd newydd yr awdurdod yng Nghaernarfon.