Ddydd Sul 4 Mehefin 2023 cafodd y 12 ffenestr dalle de verre a symudwyd o Forfa Nefyn i Eglwys Dewi Sant, yr Wyddgrug eu bendithio a’u hailgysegru mewn seremoni dan lywyddiaeth yr Esgob Peter Brignall o Wrecsam.
Mynychwyd y seremoni gan nifer o aelodau bwrdd Scene & Word. Siaradodd dau fab Jonah yn gyhoeddus. Cyflwynodd David werthfawrogiad byr (gallwch ei ddarllen yma) yn ystod y seremoni lle diolchodd i bawb a gyfrannodd at y gwaith adfer ac adleoli llwyddiannus ar y ffenestri. Wedyn, dros goffi a chacennau yn neuadd yr eglwys, rhoddodd Peter sgwrs ddarluniadol fer, lle rhoddodd grynodeb byr o waith a gyrfa Jona a gosod ffenestri’r Wyddgrug yng nghyd-destun ehangach gwaith gwydr arall Jonah.
Golygfa agos o un o’r ffenestri yn y Wyddgrug
Arhosodd parti Scene & Word y noson yng Ngogledd Cymru i ailymgynnull y bore canlynol, dydd Llun 5 Mehefin, yn Ysgol Gatholig Crist Y Gair yn y Rhyl lle gwelsant, am y tro cyntaf, y mosaig a adleolwyd o Forfa Nefyn i’r ysgol yn 2019. Bob ochr i’r mosaig, sydd wedi’i osod yn uchel ar wal 3 llawr lle gellir ei weld o bob un o’r 3 lefel, mae printiau hyd llawn o ffenestri’r Wyddgrug. Mae print ffenestr arall yn hongian wrth fynedfa’r ysgol.
Y mosaig yn y Rhyl gydag un o’r printiau ffenestr yr Wyddgrug
Mae’r ffenestri a’r mosaig i gyd yn edrych cystal â rhai newydd yn dilyn gwaith adfer arnynt. Hefyd, yn ôl pob tebyg oherwydd maint eu cartrefi newydd llawer mwy, maent yn ymddangos yn fwy mawreddog nag yn eu cartref blaenorol. Ar y cyfan maent yn enghreifftiau gwych o sut i achub a rhoi bywyd newydd i weithiau celf cyhoeddus diwedd yr 20fed ganrif.